احبك يا بعد بيت القصيد وكل غاياته

احـــــــــــبك من هنا لاخر محطات الغلا لهــــناك

احـــــــــــبك كثر مايهوى رضيع الصدر غفـــــواته

احـــــــــــبك يابعد كل الحروف وعلها تفــــــــداك

احـــــــــــبك يابعد بيت القصيد وكل غـــــاياتــــه

احـــــــــــبك يابعد عمر قضى مني على ذكــراك

احـــــــــــبك يابعد من داج بهالدنيا بخطــــــــواته

احـــــــــــبك يادفى برد السنين اليا غفت بحماك

احـــــــــــبك ياامل عمر الوحيد ويابعد ذاتــــــــه

احـــــــــــبك يابعد قلب نزف كل الغلا لـــــرضاك

احـــــــــــبك يابعد كل العيون ونزف دمعـــــــاته

احـــــــــــبك كثر ماتبرى جروح لامسة يمــــناك

احـــــــــــبك كثر مايلجأ فقير الحال لسكــــــاته

احـــــــــــبك بس لوتعرف وشلي بالحشا ينخاك

وربي لو كشفت اللي بقلبي!! مت لرضـــــــاته

انا وشلون ابين لك غلاتك ولهفتي للقــــــــــاك

انا وشلون اعبر لك عن اللي بين طــــياتــــــــه

انا لوقلت لك ببعد وابرحل وانتحي وانســـــــاك

لساني!! واعرفه لا زل ياشينه بــــــــــزلاتــــه

يقولون الجمر طب المريض بحـــــــر كياتــــــــه

تعال وخل عنك الصد والهجران!! مايــــــزهــاك

حلاتك توصل اللي يم دارك زاد جــــــــياتــــــه

انا والليالي وابيات القصايد في امــــل لقيــاك

اقول الشعر والليل الحزين يعد نجــــــماتــــه

نعزي نفسنا ننطر تسابق لهفتك وخــــــطاك

نقول الخطى تقصر ولا تسبـــــق للهفاتـــــه

اماني عاشت بصدري واغاني داخلي تهـواك

تموت ان غبت وان رديت عاش الشعر وابياته

انا مقدر على بعدك على صدك على فـرقاك

يموت بغيبتك قلب نزف لك حــــر حسراتـــه

دخيل الصبح في وجهك دخيل الليل لاغطاك

دخيل الرمش لاسير على خدك بســـــجاته

دخيل الجمر والسكر دخيل البلسم الفــتاك

دخيل اللي تثنى لين عذبني برقصــــــــاته

امانه ترحم اللي شاف منك صدتك وجــفاك

دخيلك تدمح الزله وغلطاته وهقــــواتــــــه

احــــبك من هنا لاخر هنا لاخر هنا لــــهناك