قصة من الخيال ولكنها واقعية

أنا ححكي لكم القصه باللغة العامية.....
أول شئ انا من هوات الدردشة زي ما تقولوا عشان اضيع وقت واتسلى كنت أدخل وأتونس على العالم المهم قبل 6 شهور تقريبا دخلت عليا وحده على الخاص أنا في البدايه حسبتها ولد يطقطق على راسي بدينا نتكلم كيفك ايش اخبارك كم عمرك ومن الكلام دا اللين قالتلي أنا نفسي احب وما عمري قد حبيت احد المهم اعطتني رقمها من غير ما اطلبو ولمن اتصلت عليها اتكلمنا بس قالتلي شئ أمانه بالله عليك ما تسيبني ولا تخونني أنا قلتلها ما عليكي وانا ما اسوي الحركات دي طبعا زي احد حيقول الكلام دا جلست يومين اكلمها بعدين أتفاجأت انو جوالها مقفل واتصل واتصل بس ما في فايده قلت امكن انا ما عجبتها ومرت الايام كان في رقم غريب يتصل عليا ويرسل رسايل انا ما كنت ارد ولا شئ بعد شهرين قلت لازم اعرف صاحب الرقم دا المهم اتصلت عليه ما رد بعد ساعه اتصل عليا الرقم وطلعت بنت انا ما عرفت مين المهم قالتلي ما عرفتني قلتلها لا قالت طيب باي قلت دقيقه واتذكرت صوتها قلتلها أنتي فلانه قالت ايوه انا وقتها كنت متعرف على بنات كثير لدرجه اني الخبط في اسمائهم المهم كيفك ايش اخبارك ايش مسويه انشاء مبسوطه لمن قلتلها انشاء مبسوطه بكيت انا استغربت قلتلها عسى ما شر ما ردت الووو الوووو قالت ايوا قلتلها ايش في؟ وبعد محاولات كثير قالتلي انو ابوها في الفتره اللي عدت طلق امها ومشاكل كثيره المهم انا تمام اني لحقت البنت في الفتره دي لانها مسكينه ما عندها احد تفضفضلو المهم البنت والله حزنتني مررره وكانت كل دقيقه تكلمني لانها ما صدقت تحصل احد تتكلم معاه في وحيده امها وابوها وعندها اخ صغير المهم في يوم من الايام كانت مررره تبكي ما تبغى توقف بكاء وانا احاول فيهاوبعدين فجأه ما سارت تتكلم انا اقول الوووو الوووو الوووو ما في فايده المهم قفلت الخط بعد شويه جاتني رساله تقول فيها انها ما تقدر تتكلم ومني عارف ايش المهم بعد ساعتين اتصلت وبتتكلم بصعوبه اللي فهمتو من كلامهم انو عندها مرض في الدماغ انا بالنسبه ليا عادي بس هيا كانت خايفه تقولي هوا من اول عشان لا اسيبها بعد كدا البنت من جد حبتني قالتلي حبك نزل عليا اجباري وغصبا عني ومرت الايام على الحال وكل يوم تجيها مشكله اكبر من الثانيه أنا بصراحه حبيت البنت دي من كل قلبي وعشانها سبت كل البنات اللي كنت اعرفهم انا من النوع اذا حبت اصير مجنون وفي يوم من الايام جاني الخبر الصاعق انو ابوها حيخطبها من ولد عمها انا خلااااص مني عارف ايش اسوي المهم ولد عمها كبير مررره عليها وانسان مو محترم ابدا هيا عمرها 18 وهوا 35 هيا ما تكرهوا بس تعتبرو كأخ من وهما صغار هيا ما تبغى ابدا ابدا يكون زوجها المهم ابوها قال لازم تتزوجيه والله ابوها قاسي لدرجه ما تتصوروها الله يسامحو مرت الايام عليا بطيئه حزينه وجاء يوم الخطبه وأتفاجأت لمن قالتلي خطبه وملكه مره وحده المهم ديك الليه والله ما اقدر اوصفلكم كيف كنت خلاااص عارفين كيف كأنو واحد يستنى الموقع اول واحد حاس انو روحي بتطلع منو اليوم التاني كلمتني وجلست تبكي وقالت انا لازم اكلم ابويه انا ما اقدر اعيش مع احد غيرك وفعلا راحت كلمت ابوها بس ابوها قال خلاص ما ينفع دحين ايش نقول للناس وبعد كلاااام طويل اقنعت ابوها انها هيا تكلم خطيبها أبوها وافق وبعد يومين جاء خطيبها البيت علشان يخرج معاها بس هيا قالتلو انا ابغاك في موضوع ضروري دخل المجلس ودخلت معاه المهم فهمتو الموضوع كلو في البدايه هوا زعل وكل شويه يطلع ويدخل المجلس مهو عارف ايش يسوي المهم جاء جلس جنبها وسألها قلها اسألك بالله انتي تحبي احد البنت ترددت وقالت في نفسها لو قالتلو تخاف يفضحها بعدين عشان ينتقم منها المهم راح وقفل باب المجلس البنت استغربت وخافت وقفت قلها انا حسوي شئ المهم جلس يبوسها يبوسها وبعد ما خلص قلها انا لازم افكر بس اردلك الجواب بعد شهر لانو ايش اقول للناس دحين ما ينفع المهم البنت قالتلي الكلام دا وانا قلبي مولع من جوا عدت 3 ايام على الكلام دا بعدين قالت لابوها تبغى تروح السوق قلها ابوها طيب روحي مع السواق وانا اجي اخذك من هناك قالت طيب بعد ما خلصت اتصلت على ابوها عشان يجي ياخذها وفي الطريق وهما راجعين البيت ابوها قلها عندك شحن في الجوال ولا خلص قالت خلص المهم قلها اديني الجوال عشان اشحنلك هوا هيا ما تقدر تقولو لا لانو ابوها المهم ابوها قال في نفسو خليني اخش على الرسايل اتفاجا لمن شاف الرسايل طيبعا كلها حب وكلام صعب انا كل رساله كنت ارسلها هيا كنت اكتب في النهايه تحت ((عاشق......)) المهم ابوها عرف انها تكلم ولد ضربها وهزأها والله البنت اكلت جميع انواع الضرب
ايش تتوقعو كان عقابها من أبوها




اكيد حتقولوا حبسها او شال منها الجوال صح




لا للأسف الشديد



أبوها اتصل على خطيبها وقلو تعال البيت وكلمو على موضوع يسويه دحين حتعرفوه




المهم خطيبها وصل البيت الاب طلع على طول المهم دخل عليها الغرفه انفجعت البنت ايش تتوقعو صار



والله والله واسمحولي على الكلام الجاي بس لازم اقولوا بعد ما دخل الغرفه قفل الباب والبنت تصيح على امها بس للأسف الام كا اكنت موجوده المهم اللي حصل انو انو انو ((فض بكارتها))بكل وقاحه وبكل خشونه وبدون رحمها والله البنت جلست تصيح امي امي بس اللي ما في قلبو رحمه ما يتحرك قلبو ابدا كل اللي سار من فعل ابوها أمنتكم بالله لو انتا او انتي عندك بنت تسوي فيها زي كدا

البنت انهارت تماما خلاااااااص تبغى تنتحر اتصلت عليا وهيا تبكي تبكي تبكي انا اسألها ايش في بعدين قالتلي على الموضوع كلو بالله لو انتا مكاني وتحب البنت هذه من كل قلبك ومستعد تعطيها عمرك كلو ايش حيكون موقفك الكلام انا خلااااص انتهيت لمن سمعت الكلام اللي قالتو ليا والله وهيا تبكي وتقولي باسمي انتا اكيد ما حتقرب مني ولا تبوسني ولا تضمني انا خلاااص دحين سرت مقرفه وانا ابكي وهيا تبكي دا كل ولسا ما سار فرح ولا شئ البنت ودوها المستشفى وجاها نزيف مرررره شديد المهم البنت لمن رجعت من المستشفى ايش تتخيلوا حصل ابوها خلى خطيبها ينام معاها مره تانيه يا الله ابوها والله ما عندو قلب يسوي في بنته زي كدا البنت تعبانه وعندها نزيف يقول لا لازم تتأدب البنت خلااااص اتحطمت...... اليوم التاني نفس الشئ بعد كدا والله بنت خالتها تقولي دخلت عليها الغرفه وحصلتها تبغى تنتحر انا مني عارف ايش اسوي ما بيدي شئ اسويه جالس اشوف حبيبتي وعيوني تموت بس ما بيدي شئ آآآآآآآآآآه ايش اقول بس المهم كل ما اكلمهم تبكي تقولي خلااااااص ما سرت بنت انا سرت امراه وتبكي وانا اهدي فيها بس دحين ادخلو اعمامها وخيلانها واتفقو انو الحيوان هذا اللي سوا فيها كدا يطلقها وافقو على الكلام دا بس خلااااص الكاسه لو انكسرت ما ترجع والله العظيم تقولي انا خلاااااص كرهت الرجال كلهم ومستحيل اتزوج ابدا وحلفت لابوها وامها على المصحف انها ما تتزوج وقالت لابوها الله لا يسامحك الله لا يسامحك بعد الكلام كلو دا ايش تتوقعو قالت لي انتا اكيد حتعزمني على فرحك لمن تتزوج انا سكت ودمعتي على عيني هيا كل حياتي كل عمري هذي هيا قصتي باختصار شديد جدا جدا واسف اذا طولت عليكم ...

::+:+:+:+::

عانقت جدران منتدانا
عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفـك لنخضبها جميعاً بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمراً صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا

::+:+:+:+::

يعطيك العافيه على جهودك المبذوله والجميله.
وتسلم يدك وارجو المزيد تقبل تحياتي.