مستحيل أستغنى عنك لو للحظة !!!!!!!!!!!!!1

ياحبيبي ياحياتي يانور عنيَّه
كل ما المح طيف هواك
أنسى القسيَّه
***
وأجري عليك واحكي لعينيك
عن هواك اللي شاغلني
وع اللي بيَّه
***
والقى صوتك بيناديني بكل رقه
والقى رنة خطوتك
جايه عليَّه
***
والقى نسمة حب صافيه من عبيرك
بتوشوش الحب اللي ساكنه
روحه فيَّه
***
والقى نور الصبح طالع من جبينك
والقى سحرك قام ياخدني
بروح وفيَّة
***
مش كفاية إني أحبك مش كفاية
ليه لأني باموت ف حبك
م البداية
***
والحقيقة كمان ياروحي انت آسرني
وانت بالنسبة لقلبي
أجمل هديَّة
***
حب كل الدنيا انت وفيك غلاوته
دقت حبك آه ياروحي
من حلاوته
***
مهما قولت كتير وحتى كتبت عنه
ماقدرش أبدا أرسمه
بلمسة ايديَّه
***
ياغنوة حب باسمعها بلهفة وشوق
يادقة قلب بتغني
برقة وذوق
***
ياهمسة حب باحضنها بكل كياني
ياقصة حب باكتبها
برمش عنيَّة
***
الزمان انت الزمان انت الحنان
وانت دنيت حب
إدتني الأمان
***
مستحيل استغنى عنك لو للحظة
أو أخاصمك مرة لو
تغضب عليَّه


اخوكم(زلزال امير الدهاء)